MAKONZO MANGEMBA
Makonzo ma ngemba
Ndombolo a nzila mu kintuadi a Kongo
Nkotisua a mpova muzunga kia luzitu
Nsobelo a ngindu mufwandu kia ngangu
Makonzo ma luzitu, luzitu lwa ngemba
Munkadilu a besi Kongo
Makonzo ma ngemba
Nkayilu a mavimpi munkingulu a zi mpangi
Makonzo ma kesu, ma nguba ye madioko
Nsobelo a makazu mufuandu kia lukazalu
Ngoma ya kiese muntambulu a Mfumu
Nkadilu a songi muna nduenga a Kongo
Makonzo ma ngemba
Ngolo ye kimosi kia Kongo
Kimvuama kia Ntotela munzanza Ngola
Makonzo ma lusakumunu
Makinu ma nlongo mu nkumbu a Mvuluzi
Nkadilu a ngemba ye kiese
DJNsimba©2009publ/114
MU MPAMBULU A NZILA Vava tulueke va mpambulu Valumose ye kuludinu, tutalanga Malu ye ngangu tufipanga Kadi malembe tudiatanga, malembe tubanzanga Meso tuzimanga, nwa tukanganga ye matu malevanga Kansi tuzimbananga e mwini Vava tutelemene mu mpambulu Wonga ye kiadi, kiufu ye nkwaminu Meso mabuakanga ye ndinga yayumanga Ntangu, ntima ye ngindu timuka! Kadi tufwidi mukimongo Tuladisi e vuvu mu mpambulu ya nkatu Mu mpambulu a nsi ya kivuila a Béu Tuvuidi nduenga, nsilu ye mbona-meso Tuzeye e nzila, tuna ngolo ye mavimpi Ngiendu munima, nsengo vamoko ye nkalu mu ntú Mvuela mu moko ye tuvuidi minu mu nsi eto ya kivuila Mudiata tuna mukingula mavimpi ku Kuilu, Kisaka nate ku Maquela NSIMBA J DIAS JDNsimba©2009publ/115 NTALU Tuadila nate bokomoka Tuasambila nate boboka Lukezo watatama kutudiata Yeto mvidi tu’basula Kinkala tua m’batika Menga masabuka Meno makoloka Nlembo miazengoka Nkomi zeto toma nyema N’kela mieto toma didisa Boba Lukezo wataluka Ye nsi y’ Angola yakuluka Nsimba J Dias JDNsimba©2010publ/02 SAUKA, NTOTELA! Ngwidi e ndinga, Nkondelo mpova Mvuidi ngindu, Mvwasulu nvuete Mbwene mwinda, Munpambu ndadidi Kinkutu kieto se wonga Lusambu lueto se kinsanga Kadi mu mvwasulu tuazingila Kilu ye luku se ngolo’eto Ngutukidi, nsasukidi, ndongokele Kansi mfuidi bonzo Vava yaki vuatisa nsuku Banzumuka, tabula e dianza ye Sauka ku nsi a vuvu Nsimba J Dias JDNsimba©2010publ/02